သွေးတိုးရှိသူများဆောင်းကာလမှာသတိထား

သွေးတိုးရောဂါရှိသူများ ဆောင်းကာလမှာ သတိထား

သွေးတိုးရောဂါသည် ပူလွန်းသော ရာသီနှင့်လည်းမသင့်၊ အေးလွန်းသော ရာသီနှင့်လည်းမသင့်သော ရောဂါမျိုး ဖြစ်သည်။ ပူလွန်းလျှင် အပူဒဏ်ကြောင့် သွေးကြောများ ကျယ်ပြန့်ကာ သွေးလျှံပွလာပြီး ဦးနှောက်သို့ သွေးဆောင့်၍တိုးကာ မူးလဲတတ်သည်။ အေးလွန်းလျှင်လည်း သွေးကြောများကျုံ့ပြီး မာကျစ်ကာ သွေးဖိအားတက်လာသည်။ သွေးမရောက်သော အစွန်အဖျားနေရာများသို့ သွေးရောက်စေရန် နှလုံးမှပို၍ ညှစ်ရာမှ သွေးဖိအားတက်လာခြင်းဖြစ်သည်။ ထို့ကြောင့် လူကြီးများ ဆောင်းရာသီတွင် သွေးပေါင်ချိန်အနည်းငယ် ပိုတက်လေ့ ရှိသည်မှာ ရောဂါမဟုတ်ပေ။ ဆောင်းတွင်း နံနက်စောစော ကျုံးနံဘေးတွင် လမ်းလျှောက်နေကျ လူကြီးတစ်ဦးသည် ခေါင်းမူးလာသဖြင့် အိမ်ပြန်လာ ပြီးနောက် သမီးဖြစ်သူ ဆရာဝန်မက သွေးချိန်ကြည့်သောအခါ သွေးပေါင်ချိန်တက်နေကြောင်း တွေ့ရသည်။ အအေးပတ်ပြီး သွေးတိုးလာခြင်းဖြစ်သည်။ ထိုသူသည် အင်္ကျီလက်ရှည်ဝတ်ထားပြီး အပေါ်မှ ကုတ်အင်္ကျီ ထပ်ဝတ်ထားသေးသည်။ သူ၏ အဓိကချို့ယွင်းချက်မှာ အင်္ကျီလည်ပင်းကြယ်သီး ဖွင့်ထား ခြင်းကြောင့်ဖြစ်သည်။ သတိမမူ ဂူမမြင် ဆိုသော စကားအတိုင်း အနွေးထည်ဝတ်ထားသဖြင့် လုံခြုံပြီဟု ထင်ကြသော်လည်း လည်ပင်းဖွင့်ထား သောအခါ လည်ပင်းဘေးနှစ်ဖက်ရှိ ဦးနှောက်အထိသွေးပို့သော သွေးကြောကြီးနှစ်ချောင်းမှာ အအေးပတ်ပြီး ကျုံ့သွားသည်။ ထိုအခါ ဦးနှောက်သို့ သွေးအရောက် နည်းသွားသည်။ နှလုံးက သွေးပိုရောက်စေရန် ပို၍ညှစ်ပေးသည်။ ထို့ကြောင့် သွေးပေါင်ခေါ် သွေးဖိအား တက်လာရခြင်းဖြစ်သည်။
ရှေးခေတ်က လူကြီးများ လမ်းလျှောက်ထွက်ကြသောအခါ အပေါ်က ကုတ်အင်္ကျီနှင့် အောက်ပိုင်းက ပုဆိုးနှင့်၊ ရှူးဖိနပ်နှင့်၊ လက်တွင် တုတ်ကောက်ကိုင်ထားကာ၊ ထူးခြားချက်မှာ လည်ပင်းတွင် မာဖလာပတ်ထားကြသည်။ ဦးခေါင်းတွင် နှင်းမကျစေရန် ဦးထုပ်တစ်လုံးကို ဆောင်းထားသည်။ ဤသည်ကို ရှေးက ‘ဗိုလ်အောင်ဒင်စတိုင်လ်’ဟု ခေါ်ကြသည်။ ဤဝတ်စား ဆင်ယင်မှုမှာ ကျန်းမာရေးရှုထောင့်မှကြည့်လျှင် အမှန်ကန် ဆုံးဖြစ်သည်။ တုတ်ကောက်ပါသဖြင့် ရုတ်တရက် လဲကျမှာ လည်းမပူရ။ လည်ပင်းတွင် မာဖလာပတ်ထားသဖြင့် လည်ပင်း သွေးကြောများ အအေးပတ်ပြီး သွေးတိုးမှာလည်း မပူရသော စတိုင်လ်ဖြစ်ပေသည်။ အဝတ်ပြီးလျှင် အစားဘက်သို့ သတိပြုရမည်။ ဆောင်းရာသီမှာ ကိုယ်တွင်းအပူ ငုပ်သောရာသီ၊ ချွေးမထွက်သောရာသီ ဖြစ်သဖြင့် ဝမ်းတွင်းပူပြီး ဆာလောင်တတ်သည်။ အစားများလျှင် အစာမကြေဖြစ်တတ်သည်။ အစာကို နည်းနည်းနှင့် အကြိမ်များများ စားရမည်။ ၂ နာရီ၊ ၃ နာရီ တစ်ကြိမ်ခန့် အစားစားပေးလျှင် သင့်သည်။ ကောက်ညှင်းပေါင်း၊ ကောက် ညှင်းထုပ်၊ ဆန်စေး၊ ရှမ်းဆန်များကို သင့်ရုံသာစားသင့်သည်။ အစားများသွားသည်ဟုထင်လျှင် စားပြီးလျှင် ရေနွေးကြမ်းတွင် ဆားလှော်အနည်းငယ်မျှ ထည့်၍သောက်လျှင် အစာကြေပြီး လေလည်း ကြေစေနိုင်သည်။ နေ့လယ်စာစားပြီးလျှင် ထန်းလျက်ခဲ စားခြင်းဖြင့်လည်း အစာကြေစေနိုင်ပါသည်။
‘ဝမ်းတစ်လုံးကောင်းလျှင် ခေါင်းတစ်လုံးမခဲ’ ဟူသော စကားသည် ရိုးနေပြီဟုထင်ရသော်လည်း အလွန်မှန်ကန်သော စကားဖြစ်သည်။ ဆောင်းဥတုတွင် ဝမ်းချုပ်လျှင် အပူအထက်ပြန်ပြီး နှုတ်ခမ်းကွဲ၊ အာခေါင်ခြောက်ပြီး သွားနာ၊ သွားဖုံးနာ၊ အာသီးရောင်နာ ရောဂါများ ဖြစ်တတ်သည်။ ဝမ်းမချုပ်စေရန် သုံးရက်လျှင် တစ်ကြိမ်ခန့် မန်ကျည်းမှည့်နှင့် ဆားခါးကို တေဆေးပြုလုပ်၍ စားခြင်း၊ သို့မဟုတ် မန်ကျည်းမှည့်အနှစ်ကို ထန်းလျက်နှင့်ဆား အနည်းငယ် ထည့်စိမ်ပြီး ညအိပ်ရာဝင် ခါနီးအချိန်တွင် သောက်ပေးခြင်းဖြင့် ဝမ်းမှန်ကာ ကျန်းမာစေနိုင်သည်။
ဝမ်းချုပ်ခြင်းသည် သွေးတိုးတက်စေခြင်း၏ အကြောင်းရင်းခံ ဖြစ်သည်ကို ဆေးပညာရှင်များစွာက သတိပြုမိလာကြသဖြင့် မိမိ၏လူနာများကို ဝမ်းမှန်စေသည့်ဆေးကိုပါ တွဲဖက်၍ ပေးလေ့ရှိသည်။ မာသောအစာ၊ ကောက်ညှင်းကဲ့သို့ အစာ ကြေခဲသောအစာများကြောင့် အူမကြီး၏အဆုံးတွင် ပိတ်မိကာ စမြင်းခံပြီး မအီမလည်ဖြစ်သလို ခံစားနေရသူများကို သွေးပေါင်ချိန်ကြည့်သောအခါ သွေးတက်နေသည်ကို တွေ့ရသည်။ ထိုသွေးတိုးသည် ရောဂါကြီးရှိ၍မဟုတ်။ လတ်တလော ဝမ်းချုပ်ခြင်းကြောင့် ဖြစ်ရသော ယာယီသွေးတိုးမျှသာ ဖြစ်သည်။ ဝမ်းသွားအောင် ဝမ်းနုတ်ဆေးပေးခြင်း၊ လိုအပ်လျှင် ဝမ်းချူပေးခြင်းဖြင့် သွေးတိုးကျသွားအောင် ဆောင်ရွက်ပေး နိုင်ပေသည်။
ဆောင်းဥတုတွင် ဝမ်းတွင်းတွင် အပူငုပ်ပြီး အပြင်သို့ကန် ထွက်စရာ ချွေးထွက်ခြင်းမရှိသဖြင့် ဆီးသွားခြင်းဖြင့် အပူကို ထုတ်ရသည်။ ဆောင်းတွင် ဆီးမကြာခဏသွားရခြင်းသည် အပြစ်မရှိပေ။ ရောဂါလည်းမဟုတ်ပေ။ သဘာဝက ဤသို့သွားအောင် ပြုခြင်းဖြစ်သည်။ ဝမ်းတွင်းအပူများသဖြင့် ရေများများ သောက်သင့်သည်။ အထူးသဖြင့် နံနက် အိပ်ရာထချိန်နှင့် ည အိပ်ရာဝင်ချိန်များတွင် ရေများများ သောက်သင့်သည်။ ရေသောက်နည်းလျှင် ဆီးသွား နည်းမည်။ ဆီးသွားနည်းလျှင် ကျောက်ကပ်တွင် အပူအောင်းပြီး သွေးတိုးတက်လာလေ့ရှိသည်။ အချို့သွေးတိုးတတ်သော သက်ကြီးရွယ်အိုများကို ဆရာဝန်များက သွေးတိုးကျဆေးအပြင် ဆီးဆေးကိုပါ ထည့်ပေးလေ့ရှိသည်ကို တွေ့ရသည်။ လေချုပ်ခြင်းကြောင့်လည်း သွေးတိုးတတ်သည်။ အနောက် တိုင်းဆေးပညာနှင့် ဆရာဝန်များသည် လေလည်သည်/ မလည်သည်ကို မေးလေ့မရှိသော်လည်း ရှေးမြန်မာ သမားတော်ကြီးများသည် လေလည်/မလည်ကို လူနာကို စစ်မေးလေ့ရှိသည်။ လေချုပ်ခြင်းကြောင့် နေထိုင်မကောင်း ဖြစ်နိုင်သည်ဟု အာယုဗေဒဆေးကျမ်းများတွင်လည်း တွေ့ရသည်။ အာယုဗေဒဆေးပညာတွင် လေငါးမျိုးရှိရာ ‘အပါနလေ’သည် အစာဟောင်းအိမ်၌တည်ရှိပြီး ခါး၊ ပေါင်မှ အောက်ပိုင်းသို့ သွေးစီးဆင်းမှုကို တွန်းအားပေးတတ်သော လေဖြစ်သည်။ ဝမ်းချုပ်၍ ထိုလေပျက်သောအခါ အောက်ပိုင်းသို့ သွေးအသွား အလာမကောင်းတော့သဖြင့် သွေးသည် အထက်သို့ဆန်တက်ကာ သွေးတိုးရောဂါကို ဖြစ်စေနိုင်ပေသည်။ သွေးတိုးရောဂါကို ကာကွယ်ရန်အတွက် လေချုပ်မည့်အစာများကို အထူးသတိပြု ရှောင်ကြဉ်သင့်သည်။ တညင်းသီး၊ ဖန်ခါးသီး၊ မာလကာသီး၊ သဖန်းသီး၊ သစ်ဆိမ့်သီး၊ အာလူး၊ လက်ဖက်၊ ကောက်ညှင်းဆန်၊ ဘဲသား၊ ပုစွန်၊ ကဏန်း စသည်တို့သည် လေချုပ်စာများ ဖြစ်သည်။ ဆီး၊ ဝမ်း၊ သွေး၊ လေ ဓာတ်လေးပါး ညီညွတ်နေလျှင် လူတိုင်း ကျန်းမာနေမည်သာ ဖြစ်သည်။ ထိုဓာတ်လေးပါးကိုလည်း အရမ်းမဲ့ညှိ၍မရ။ ရိုးရာဆေးပညာက ဓာတ်လေးပါးမသိ ဥတုနှင့်ညှိဟုဆိုသဖြင့် ဆောင်းတွင် ဆောင်းဥတုနှင့်ညှိပြီး လေမချုပ်၊ သွေးမချုပ်၊ ဆီးမချုပ်၊ ဝမ်းမချုပ်သော ဓာတ်စာ၊ ဆေးဝါးကို ပေးမှသာ ကျန်းမာရေးနှင့် ညီညွတ်မည်ဖြစ်သည်။ သွေးတိုးရောဂါသည် မြန်မာဆေးပညာအလိုအရ လေတိုးရောဂါပင်ဖြစ်သည်။ ထိုလေသည် အပူငုပ်သော ဆောင်းရာသီတွင် ကိုယ်တွင်း၌ လှည့်လည်နေရာမှ အောက်သို့မစုန်မသက်ဘဲ အထက်သို့ ဆန်တက်လျှင် သွေးတက်လာသည်ကို သတိပြု ဆင်ခြင်နိုင်စရာ ရေးသားတင်ပြရခြင်းဖြစ်သည်။ အအေးပတ် ခြင်းကြောင့်လည်း လေသည် ကိုယ်တွင်းမှ အပြင်သို့မထွက် နိုင်ဘဲအတွင်းမှာ လှည့်မွှေကာ ဒုက္ခပေးတတ်သည်။ လေအေးမှ လေပူဖြစ်ကာ အထက်သို့ကန်တက်တတ်သဖြင့် သွေးတိုးရောဂါရှိသူများ ဦးနှောက်သွေးကြောပြတ်ကာ လဲကျတတ်သည်ကို တွေ့ရသည်။ သက်ကြီးရွယ်အိုများတွင် သွေးကြောပိုက်လိုင်းများ ဆွေးမြည့်ပြီဖြစ်သဖြင့် လူငယ်များနှင့်မတူ၊ အအေးမပတ်အောင် ပိုပြီး သတိရှိဖို့လိုသည်။ အချုပ်အားဖြင့် သွေးတိုးရောဂါ ရှိသူများသည် ဆောင်းရာသီတွင် ဆင်ခြင်စရာများမှာ -
၁။ အပြင်ထွက်လျှင် အဝတ်ထူထူဝတ်ဆင်ပါ၊ အင်္ကျီ လည်ပင်းကို ဖွင့်မထားပါနှင့် ဖြစ်နိုင်လျှင် မာဖလာ ပတ်ထားပါ။
၂။ ဝမ်းမချုပ်ပါစေနှင့်။ နေ့စဉ်ဝမ်းမှန်အောင် အသီးအနှံစားပါ။ ရေများများသောက်ပါ။ လမ်းလျှောက်ပေးပါ။
၃။ မာကြောသောအစာ၊ အစာကြေခဲသော အစာများကို မစားပါနှင့်။ အစာကို နည်းနည်းနှင့် အကြိမ်များများ စားသင့်ပါသည်။
၎။ လေချုပ်စေသောအစာ၊ ဆားအငန်များသောအစာ၊ အပုပ်ခံထားသောအစာ၊ အချဉ်ဖောက်ထားသော အစာများကို ရှောင်ကြဉ်ပါ။
၅။ နံနက်စောစောရေချိုးခြင်း၊ ညနေနှင့် ညပိုင်းတွင် ရေချိုးခြင်းကို လုံးဝရှောင်ကြဉ်ပါ။ နေ့လယ် နေအလင်းရောင်ရှိသော အချိန်တွင်သာ ရေချိုးပါ။
၆။ နေရောင်ခြည်ရအောင် နေ့စဉ် နေထိုင်ပါ။ နေရောင်ခြည် မဝင်သောအခန်းတွင် အိပ်စက်ခြင်းကို ရှောင်ကြဉ်ပါ။ အိပ်ယာ၊ စောင်များကို တစ်ပတ်လျှင် တစ်ကြိမ်ခန့် နေလှန်းပေးပါ။

သွေးတိုးရောဂါသည် သတိပြုနေထိုင်လျှင် သက်တမ်းစေ့ နေနိုင်ပါသည်။ သတိမပြုဘဲ အနေအထိုင် အစားအသောက် မှားလျှင် လေဖြတ်ခြင်း၊ ဦးနှောက်သွေးကြောပေါက်ခြင်းတို့ ကြောင့် မစွမ်းမသန်ဘဝရောက်ခြင်း၊ အသက်ဆုံးရှုံးခြင်းတို့ ဖြစ်နိုင်သဖြင့် အထူးသတိပြုစေလိုသည်။ ။

ကြည်လွင်မြင့်(မုဒြာ)
Credit: မြ၀တီ
ကျွန်တော်သိကျွန်တော်တတ်၍ရေးသားခြင်းမဟုတ်ပါ။ကျွန်တော်လေ့ လာမိသမျှကိုစာဖတ်သူများထံပြန်လည်မျှဝေပေးခြင်းသာဖြစ်ပါတယ်။
ကျွန်တော့် ပို့ စ်တစ်ခုချင်းစီအတွက်မူရင်းရေးသားသူများကိုအထူးကျေးဇူးဥပကာရတင်ရှိပါသည်။
ဖြိုးလေး (Myanmar Youth)ph-09791169860